Deter o día cunha flor

Luz Pozo Garza (Ribadeo, 1922) acaba de publicar 'Deter o día cunha flor', un coidado volume, editado por Baía, en que os seus poemas dialogan cos gravados do betanceiro Xosé Valentín. Divídese en catro apartados: Aleph, Li Yian pide deter o día, Lotus no corazón e Carta de Beatrice Vía-Láctea

Trátase dun poemario de amor expresado en catro seccións: os poemas do Aleph son meditacións das que xorden unha diversidade de visións (a vida, arelas divinas, a Face de Deus, o triunfo do amor, a palabra de Deus non dita, a busca do descoñecido, o Graal, a visión mítica das Pléiades, o paraíso perdido, o diálogo da alma...) Na sección de Li Yián (poeta chinesa do século XI), as visións son diálogos de amor e de ausencia. Na sección de Lotus no corazón recupero os espazos fragmentados de Prometo a Flor de Loto, elexías a Eduardo, o amado. E na última sección, Carta de Beatrice Vía-Láctea, reprodúcese a visión mística do camiño iniciático de Compostela, nunha lembranza do amor e da morte: “Vólvome ó Paradiso”.

http://www.aelg.org/Centrodoc/GetMediaLibraryByAuthor.do?authorId=autor198