Blog da Biblioteca do IES de Curtis

29/9/17

UNHA BIBLIOTECA PARA APRENDER A PENSAR

       Aprender a pensar coa biblioteca escolar" é o lema escollido para as bibliotecas no curso que acabamos de iniciar. O ilustrador Xosé Tomás, un vello coñecido do noso centro que nos marabillou hai uns anos cun obradoiro de banda deseñada, é o creador do fermoso cartel que nos acompañará neste ano académico. 

      A celebración do Ano Europeo do Patrimonio Cultural centrará boa parte das actividades que desenvolveremos dende a nosa biblioteca. A tarefa de aprender a pensar, contida no lema, relacionarase de xeito directo cos labores de investigación e de creación que os nosos rapaces e rapazas realizarán para coñecer mellor a riqueza cultural do continente. Coma sempre, o noso proxecto de traballo é ambicioso e quizais inabarcable, pero a ilusión coa que o abordamos sempre garante, se non todos, algúns logros. 

     Facemos nosas as palabras recentemente recollidas no blog de Bibliotecas Escolares, que resumen perfectamente o proxecto de Curtisbiblio: 

Aprender a pensar a través dos contos, da tradición oral, das lecturas de ficción, da poesía, do teatro; a través das lecturas de materiais de divulgación científica, a través das investigacións. Aprender a pensar co cine e coa música. Aprender a pensar a través do diálogo, nos clubs de lectura, nas actividades compartidas. Aprender a pensar baixo a guía e orientación dun profesorado consciente da importancia da curiosidade como motor vital e, tamén, da importancia de activar no alumnado os mecanismos; para desenvolver o pensamento complexo. Aprender a pensar nas clases de filosofía, pero tamén fóra das aulas regladas, onde a vida flúe en todo o seu misterio. A biblioteca escolar é un espazo privilexiado para que o alumnado non perda a súa capacidade de asombro; para que aprenda a formularse preguntas diante dos distintos fenómenos naturais ou sociais e, tamén, a procurar algunhas respostas á complexidade que lle toca vivir.

28/9/17

UNHA BIBLIOTECA PARA APRENDER A PENSAR

        
     "Aprender a pensar coa biblioteca escolar" é o lema escollido para as bibliotecas no curso que acabamos de iniciar. O ilustrador Xosé Tomás, un vello coñecido do noso centro que nos marabillou hai uns anos cun obradoiro de banda deseñada, foi o creador do fermoso cartel que nos acompañará neste ano académico.
A celebración do Ano Europeo do Patrimonio Cultural centrará boa parte das actividades que desenvolveremos dende a nosa biblioteca. A tarefa de aprender a pensar, contida no lema, relacionarase de xeito directo cos labores de investigación e de creación que os nosos rapaces e rapazas realizarán para coñecer mellor a riqueza cultural do continente.
Coma sempre, o noso proxecto de traballo é ambicioso e quizais inabarcable, pero a ilusión coa que o abordamos sempre garante, se non todos, algúns logros. Facemos nosas as palabras recentemente recollidas no blog de Bibliotecas Escolares, que resumen perfectamente o proxecto de Curtisbiblio:

Aprender a pensar a través dos contos, da tradición oral, das lecturas de ficción, da poesía, do teatro; a través das lecturas de materiais de divulgación científica, a través das investigacións. Aprender a pensar co cine e coa música. Aprender a pensar a través do diálogo, nos clubs de lectura, nas actividades compartidas. Aprender a pensar baixo a guía e orientación dun profesorado consciente da importancia da curiosidade como motor vital e, tamén, da importancia de activar no alumnado os mecanismos  para desenvolver o pensamento complexo. Aprender a pensar nas clases de filosofía, pero tamén fóra das aulas regladas, onde a vida flúe en todo o seu misterio. A biblioteca escolar é un espazo privilexiado para que o alumnado non perda a súa capacidade de asombro; para que aprenda a formularse preguntas diante dos distintos fenómenos naturais ou sociais e, tamén, a procurar algunhas respostas á complexidade que lle toca vivir. 

8/3/17

XA TEMOS EQUIPOS GAÑADORES DO CONCURSO AMOR OMNIA VINCIT!


 Reunido o grupo de traballo da Biblioteca Sarmiento encargado de avaliar as respostas presentadas ao concurso Amor omnia vincit, emítese o seguinte fallo:


Resultado de imaxes para cupido

1º PREMIO:

 Andrea Juncal, 1º bacharelato B

Laura Lagares, 1º bacharelato B



2º PREMIO:

Marta Varela Bello,  1º bacharelato B

María Vaamonde Lesta, 1º bacharelato B


      A entrega de premios farase ao longo da Semana Cultural do noso IES, entre o 20 e o 24 deste mes. Parabéns ás gañadoras.

7/3/17

ENCUENTRO CON LA ESCRITORA MARISOL ORTIZ DE ZÁRATE






       El martes, 7 de marzo, el alumnado de 2º y 3º de ESO de nuestro centro tendrá un encuentro con la escritora alavesa Marisol Ortiz de Zárate, autora de las novelas La canción de Shao-Li y Cantan los gallos, conocidas por el alumnado a través del club de lectura y de las lecturas opcionales de Lengua Castellana y Literatura. La presentación correrá a cargo del alumno de 3º de ESO, Jin Lei Dong; a continuación, conoceremos más de cerca el apasionante oficio de la creación literaria.

6/3/17

SEMPRE TENTANDO MELLORAR



                                                                                    Nestas últimas semanas o espazo da biblioteca viuse enriquecido coa colocación de orixinais combinacións de letras que indican onde atopar con maior facilidade distintos materiais e recursos. 







      Desde aquí, o equipo de biblioteca quere agradecer a labor de Balbina (Departamento de EPV), responsable da elaboración desas novas     mensaxes que axudan a mellorar a ambientación  deste lugar tan visitado do noso centro. 


PARA LER A ROSALÍA


     Rosalía está, como non podía ser doutro xeito, presente nestes días, máis ca nunca, no espazo da biblioteca. Imaxes ben fermosas e libros senlleiros da nosa poetisa cobren as mesas de exposición co obxectivo de achegarse ás mans dos que a diario visitamos este espazo.


20/2/17

LENDO E VENDO... DE CORAZÓN

        
      Estes días os libros e as películas de temática sentimental que repousan nos andeis, cobran vida e saen do seu espazo cotiá para tenderlle a man aos lectores que gustan das historias de amor.



Nunha zona próxima á mesa de empréstitos e devolucións, calquera pode pasar e ler o lema que sobre as portadas en forma de corazón invita a coñecer a historia que garda cada libro ou DVD. E se non hai moito tempo ou ganas de vir pola biblioteca, nos corredores hai tamén colgadas imaxes de portadas de libros co correspondente lema... 

 
Xa o sabedes: non hai desculpa para non entrar no apaixonante mundo das ficcións sentimentais...

16/2/17

RECONSTRUIMOS NAS AULAS HISTORIAS DE AMOR... DE TODOS OS TEMPOS


      Con motivo do Día dos namorados promovemos desde o Equipo de biblioteca a reconstrución escrita e gráfica de historias de amor de todos os tempos, relacionadas coa literatura, co cinema, coa arte, coa historia... Grazas aos departamentos de linguas do noso IES conseguimos, co traballo na aula, artellar unha fermosísima exposición feita con paneis en castelán, galego, francés e inglés onde se recollen imaxes e narracións de máis de cincuenta historias sentimentais que forman xa parte da nosa cultura: Píramo e Tisbe, Romeo e Julieta, Ana Karenina e Bronski, Calisto e Melibea, Cyrano e Roxane, Celso Emilio e Moraima... Estes e moitos máis personaxes enchen o corredor da entrada neste mes, no que o concurso Amor omnia vincit, artellado sobre a información dos paneis, espera poder premiar aos máis curiosos... e aos máis habilidosos na busca de información.

 
Save
Neste blog utilizamos as imaxes con fins educativos. Se algunha delas estivese suxeita a dereitos de autor, pregamos vos poñades en contacto connosco para retirala de inmediato.



Deseño logo: shouvas