Blog da Biblioteca do IES de Curtis: POLAFÍA

18/7/09

POLAFÍA


-Boas tardes, Maruxiña,
vouche decir unha cousa,
se ti me queres a minhe,
eu non me caso con outra
.
-Eu te quero, ben o sabes,
non precisas preguntar;
hai un ano que che dixen
que me quería casar.
-Tomaralo de risa,
pero díghocho de veras,
que ando buscando muller
e non topo quen me queira.
-Pois se ningunha te quere,
será porque tu eres malo,
ou porque che teñen medo
que non cumplas co traballo.
-Eu por malo non me teño,
e menos por folghazán,
solamente que as rapazas
dinme que son un larchán.
-Se cho dicen non se engañan
porque tu eres un capullas,
andas xogando con todas
e non cumples con ningunha
.
-Non te fíes, Maruxiña,
que eu pra ti hei ser formal,
dáme un bico, Maruxiña,
non me faghas rabear.
-Se ques que che dea o bico,
lévame xunto o altar,
que despois de casadiños
bicos non che han de faltar.
-Por un bico que che pido,
xa te pos tan enfadada,
que farás se che pedira
o que tes baixo da saia.
mentras estea solteira,
que nin ti nin un lambón,
ma ver a chocolateira.

1 comentario:

Biblioteca Sarmiento dijo...

-Pois eu teño que cha ver ,
senón non caso contigho
porque tamén podes ter
alghún defeuto escondido.
-Vaite d'aí galopín,
boca de cadelo mouro,
que xa non te quero máis
aunque te coronen d'ouro
-Pois eu tampouco te quero,
ollos de ghata mamada,
que te tes por moita cousa
e pra min non vales nada.
-Se che dera o que ti queres,
sería boa rapaza,
pero como non son tonta,
busca outra que cho faga.
-O mozo marchou correndo,
a moza quedou decindo,
esta saleuche torcida
e vaia o demo contigo.

Neste blog utilizamos as imaxes con fins educativos. Se algunha delas estivese suxeita a dereitos de autor, pregamos vos poñades en contacto connosco para retirala de inmediato.



Deseño logo: shouvas