Quen foi Hipatia de Alexandría?

O próximo 9 de outubro coñeceremos a historia de Hipatia de Alexandría a través da mirada de Alejandro Amenábar, da que tedes un comentario e o tráiler na sección "Actualidade Audivisual” de este blogue. Amenábar e a súa película Ágora parecen guiar ao mundo das letras do 2009. A chegada aos cines da película provocou un boom editorial sobre a figura de Hipatia de Alexandría e son moitas as editoriais que se uniron ao director no seu afán por sacar á luz a descoñecida historia da filósofa. Polo menos dez títulos, oito deles novos e dúas reedicións, foron publicados no que vai de ano sobre Hipatia, todo un récord para unha figura que non espertara interese ata este momento.
Parece pois axeitado saber quen foi Hipatia de Alexandría. Pois para empezar sabede que Hipatia foi unha loitadora incansable e símbolo de tolerancia, unha muller que viviu contracorrente nun mundo dominado por homes e que loitou por manter esa liberdade que a permitía investigar e entregarse á filosofía tras recibir a instrución do seu pai, Teón, que a educou como un alumno de talento e propiciou a conversión de Hipatia na primeira muller científica da historia.
E para que podades profundizar na súa vida xa tedes na biblioteca estes títulos:


Hipatia de María Dzielska. A editorial Siruela reedita este libro que é considerado a máis completa e mellor documentada biografía deste personaxe.

La conspiración Piscis. Magdalena Lasala achéganos a un dos personaxes máis fascinantes da historia, Hipatia de Alexandría, e a un dos acontecementos clave do devir da decadencia do mundo clásico: a desaparición da Biblioteca de Alexandría.

La última noche de Hipatia. Eduardo Vaquerizo ofrécenos unha tráxica historia de amor enmarcada nos últimos días do mundo clásico ás portas da longa escuridade medieval e un relato que desafía a imaxinación sobre a última batalla da razón contra o fanatismo.