O catálogo do Ikea

Ikea comezou a distribuír onte o seu primeiro catálogo en galego, que estará dispoñible na súa tenda da Coruña a partir do próximo 15 de setembro, cumprindo así co seu compromiso de valorar a lingua propia de Galicia. Dos 600.000 exemplares do catálogo do ano 2011 que repartirá a multinacional sueca en Galicia, 33.000 estarán integramente en galego, O catálogo da firma conta cunha tiraxe de 9,2 millóns en todo o país e chega de forma gratuíta ao 80% dos fogares da área de influencia das súas 13 tendas españolas. Trátase da publicación comercial de maior tiraxe no mundo, xa que se imprimirán 197 millóns de exemplares, que se distribuirán en 41 países nun total de 29 idiomas.