El Elemento - Ken Robinson

(...) Hai uns anos oín unha historia marabillosa que me gusta moito explicar. Unha mestra de primaria estaba a dar unha clase de debuxo a un grupo de nenos de seis anos de idade. Ao fondo da aula sentábase unha nena que non adoitaba prestar demasiada atención; pero na clase de debuxo si o facía. Durante máis de vinte minutos a nena permaneceu sentada ante unha folla de papel, completamente absorta no que estaba a facer.

Á mestra aquilo pareceulle fascinante. Ao final preguntoulle que estaba debuxando. Sen levantar a vista, a nena contestou: «Estou debuxando a Deus». Sorprendida, a mestra dixo: «Pero ninguén sabe que aspecto ten Deus». A nena respondeu: «Saberano deseguida».

Encántame esta historia porque nos recorda que os nenos teñen unha confianza asombrosa na súa imaxinación. A maioría perdemos esta confianza a medida que crecemos, pero pregunta aos nenos dunha clase de primaria quen considera que teñen imaxinación e todos levantarán a man. Pregunta o mesmo nunha clase de universitarios e verás que a maioría non o fai. (...)