Cumpríronse vinte e cinco anos do falecemento de Pucho Boedo, o cantante máis popular de Galicia. Foi un vinte e seis de xaneiro cando nos dixo adeus na súa cidade natal da Coruña, onde está enterrado, no cemiterio da San Amaro. Pero o artista, a pesar do cuarto de século transcorrido, segue vivo no corazón de miles e miles de galegos. A voz do "crooner" coruñés segue espertando sentimentos e emocións como cando daba os seus primeiros pasos artísticos coas orquestras da Coruña, ou percorría o mundo co grupo Os Tamara, triunfando en escenarios de tanto prestixio coma o Olympia de París, compartindo escenario con con Charles Aznavour e Jacques Brel.
O cantante máis popular da historia de Galicia naceu na Coruña o día 4 de xaneiro de 1929 e faleceu o 26 de xaneiro de 1986. É o único cantante de música lixeira que conta con varios monumentos na súa honra, un no Ventorrillo e outro na praza de Azcárraga. Pucho empezou como cantante de orquestra e incorporouse ao grupo Os Tamara en 1959. Foi a partir de entón cando deu o mellor da súa arte, gravando músicas de todos os estilos, aínda que coas que gañou un maior recoñecemento foi coas melodías galegas musicadas polo mestre Romo sobre textos de grandes poetas galegos. A súa voz protagonizou o renacemento da canción en galego. Puxo música aos versos de Curros Enríquez, Celso Emilio Ferreiro, Eduardo Pondal e Rosalía de Castro.
Os Tamara - Negra sombra
Pucho Boedo, un crooner na fin do mundo
Pucho Boedo, o crooner infinito
Os Tamara - Os precursores do pop galego
Os Tamara - Allá, Allá / Galicia, Terra Nosa / El Amor / Mashed Potato Time
Os Tamara - Na Fermosa Galicia
Os Tamara - Miña Galicia Verde
Pucho Boedo - Volvendo con Os Tamara
No hay comentarios:
Publicar un comentario