Si que che gusta ler (pero igual non o sabes)

A Secretaría de Estado de Cultura lanzou en Internet a nova campaña de comunicación e concienciación social a favor da lectura dirixida aos mozos, no marco do Plan de Fomento da Lectura.

A través da adxudicataria, a empresa Media Planning Group , realizouse unha nova campaña de comunicación e concienciación social a favor da lectura, que se insere en Internet e vai dirixida aos mozos de 14 a 18 anos. Desde o ano 2008 optouse por dirixir a mensaxe da campaña aos mozos, en particular aos comprendidos en idades nas que os hábitos lectores poden pasar por unha fase crítica, precisamente en pleno desenvolvemento persoal e educativo. Ademais, co Plan de Fomento da Lectura, a Secretaría de Estado considera prioritario fomentar este hábito no contexto dun uso xeneralizado e masivo das novas tecnoloxías, que esixe unha actitude máis crítica e activa.

A campaña leva como lema Si que che gusta ler (pero igual non o sabes). A mensaxe é positiva e atractiva para os seus destinatarios, tanto na súa forma, cunha estética xuvenil, como no seu fondo, a idea baséase en que os mozos len máis do que cren, especialmente cando utilizan as novas tecnoloxías. A campaña, baseada en formatos publicitarios en Internet, ten como reforzo un microsite, www.siquetegustaleer.org, que inclúe, ademais de múltiples enlaces a portais, bibliotecas virtuais e blogs do seu interese, un xogo de lectura no que o usuario elixe os pasos dunha aventura e pode gañar un e-Reader.

Preme na imaxe para acceder á web