O pasado 15 de marzo, xoves, o alumnado de 1º e 2º de ESO viaxamos a Pontevedra para visitar o Salón do Libro e coñecer a cidade. Acompañáronnos Paco, Pepa, Olga e Reme.
Marchamos a primeira hora. Ao chegar, formamos dous grupos: un marchou facer un roteiro pola vila e o outro foi ver a exposición sobre supersticións. Despois, fixemos ó reves.
No roteiro poidemos ver as rúas máis importantes, as ruinas da muralla, algunha estatua... e un loro moi parlanchín, que respostou cun "Ola" moi simpático ó noso saúdo.
No Salón do Libro, que este ano estaba adicado ás superticións por ser a 13ª edición ( para eles 12+1), vimos proxectos sobre este tema de varios centros. O guía contounos algunha lenda e poidemos coñecer historias curiosas sobre as crenzas nas supersticións.
No medio destas dúas actividades fomos todos ver a obra Pelos na lingua. Nela, os actores representan varias pezas pequenas sobre a importancia de falar galego e conservar a lingua: rimos moito e algunhas historias gustáronnos especialmente, como a da "manifa xuvenil", a do entrenamento de fútbol ou a da estatua do home que falaba galego na Casa da Cultura.
Ás seis da tarde voltamos para as nosas casas: así rematou unha xornada diferente e ben entretida.
No hay comentarios:
Publicar un comentario