Como ben sabedes, no vindeiro mes de xullo celebrarase na cidade de Londres unha nova edición dos Xogos Olímpicos. Con tal motivo desde a biblioteca Sarmiento estamos a elaborar con alumnos de ESO e 1º BAC un percorrido pola historia das competicións olímpicas: dentro do Proxecto Interdisciplinar proxectouse a película Astérix nos Xogos Olímpicos, o alumnado de 1º de Bacharelato exporá ante 1º e 3º de ESO a consistencia dos xogos panhelénicos e os deportes específicos daquela época, en 3º de ESO están a investigar sobre os Xogos Paraolímpicos e sobre curiosidades relacionadas con estas celebracións...
Pouco a pouco esperamos ir elaborando os materiais necesarios para facer un pequeno monográfico sobre o tema... e, por que non?, un concurso para ver quen demostra unha maior pericia no percorrido por este tema tan actual... Ide collendo enerxía, que hai moito que ver... e que ler.
No hay comentarios:
Publicar un comentario