Día de San Xoan

Día de San Xoan alegre

meniña vaite lavar

pillarás auga do paxaro

antes de que o sol raiar

irás ó abrente do día

a auga fresca catar,

da auga do paxariño

que saúde che ha de dar.

Corre meniña,

vaite lavar,

e a fresca auga

desta amañecida

cor de cereixa che ten que dar;

se arraiar,

se arraiará

todas as meigas levará,

xa arraiou,

xa arraiou,

todas as meigas levou.

Peladas eran

peladas serán

todas as meigas

que andan polo chan.

Peladas son,

Peladas eran

todas as meigas que andan pola terra.