150 anos do de Darwin.

A orixe das especies, a obra do naturalista inglés do século XIX Charles Darwin que, a xuízo dos expertos, resulta esencial na historia da Ciencia e a Bioloxía e provocou unha revolución nas teorías coñecidas até o momento, cumpre mañá os seus 150 anos da publicación. Nela, Darwin expón a súa idea da selección natural, como base para a posteriormente denominada ´Teoría da Evolución´. En concreto, postulou que todas as especies de seres vivos evolucionaron co tempo a partir dun antepasado común mediante un proceso denominado selección natural. Esta obra do biólogo inglés, que ademais serve de referencia para os investigadores actuais, é resultado das observacións recollidas durante a viaxe do británico a bordo do buque ´HMS Beagle´, entre 1831 e 1836.