A Biblioteca Dixital Mundial está dispoñible en Internet. O acceso é gratuíto e os usuarios poden ingresar directamente pola Web, sen necesidade de rexistrarse.
Reúne mapas, textos, fotos, gravacións e películas de todos os tempos e explica en sete idiomas as xoias e reliquias culturais de todas as bibliotecas do planeta. Ten, sobre todo, carácter patrimonial.
A BDM non ofrece documentos correntes, senón "con valor de patrimonio, que permitirán apreciar e coñecer mellor as culturas do mundo en idiomas diferentes: árabe, chinés, inglés, francés, ruso,español e portugués. Pero hai documentos en liña en máis de 50 idiomas". "Entre os documentos máis antigos hai algúns códices precolombinos, grazas á contribución de México, e os primeiros mapas de América, debuxados por Diego Gutiérrez para o rei de España en 1562".
Os tesouros inclúen o Hyakumanto darani, un documento en xaponés publicado no ano 764 e considerado o primeiro texto imprimido da historia; un relato dos aztecas que constitúe a primeira mención do Neno Xesús no Novo Mundo; traballos de científicos árabes que desvelan o misterio da álxebra; ósos utilizados como oráculos e ronseis chineses; a Biblia de Gutenberg; antigas fotos latinoamericanas da Biblioteca Nacional de Brasil e a célebre Biblia do Demo, do século XIII, da Biblioteca Nacional de Suecia.
No hay comentarios:
Publicar un comentario