Segundo a tradición oral que chegou aos nosos días, dende diversas comarcas da alta montaña luguesa, terras de Lóuzara, Courel e o Cebreiro, o personaxe que no Nadal visitaba os nenos e nenas galegos era o Apalpador, tamén coñecido como Pandigueiro nas terras de Trives.
Este xigante bo, de profesión carboeiro, fuma pipa, usa boina e viste un traxe esfarrapado cheo de remendos. Dende hai uns anos, ademais das montañas está a percorrer toda Galicia. Na noite do 24 ou do 31 de decembro tamén virá a Curtis para apalparlles a barriga aos máis cativos por ver se comeron ben durante todo o ano e deixarlles algúns xoguetes e agasallos.
A Deputación da Coruña e a CTNL veñen de editar unha guía de libros, discos, filmes, aparellos, camisolas e xogos para axudarche a facerlle as túas encargas.
Tamén podes consultar o catálogo ReGalemos galego, elaborado polo CPI Vicente Otero Valcárcel de Carral.
Vaite logo, meu meniñ@
marcha agora para a camiña
que vai vir o Apalpador
a apalparche a barriguiña.
Xa chegou o día grande
día do noso Señor.
Xa chegou o día grande
e virá o Apalpador.
Mañá é dia de cachela,
que haberá gran nevarada
e há vir o Apalpador
cunha mega de castañas.
Por aquela cemba
xa ven relumbrando
o señor Apalpador
para darvos o aguinaldo
1 comentario:
Este ano veño dende O Caurel a traervos un simpático vídeo cunha canción e un baile para darme a coñecer entre @s máis pequen@s http://youtu.be/JmAfI4ucKJc
Ademáis podedes descargar a canción de balde e atopar máis recursos para a aula na web www.oapalpador.tk
Boas festas!
Publicar un comentario