Blog da Biblioteca do IES de Curtis: DE VIAXE POR XAPÓN... CO PROXECTO INTERDISCIPLINAR

3/2/11

DE VIAXE POR XAPÓN... CO PROXECTO INTERDISCIPLINAR

Alumnado de 1º ESO A e B
       Estamos a punto de rematar a viaxe a Xapón que iniciamos este curso a través do Proxecto Interdisciplinar. Como xa contamos noutras ocasións, o pasado curso iniciamos o proxecto Entra no mundo dos contos; entra nos contos do mundo que sustenta a labor deste Proxecto no noso centro. Cada trimestre, máis ou menos, traballamos cun conto dun determinado país ou cultura, que nos serve non só para mellorar a competencia comunicativa e literaria dos rapaces, senón que se aproveita tamén como ponte para entrar na lingua, xeografía, clima, relixión, moeda, vestimenta, gastronomía ... da zona do mundo elixida.
      No que vai de curso o proxecto serviunos para "viaxar" a Xapón, desde o conto El viejecillo de la verruga": traballamos coa comprensión e análise narrativa e con variados aspectos do mundo nipón ( xeografía, economía, clima, agricultura, relixión, alfabeto, moeda e gastronomía ). Para rematar, elaboramos un conto no que se foron integrando datos das investigacións feitas e organizamos unha xornada gastronómica xaponesa na biblioteca, con pratos típicos do país co que estivemos traballando nestes meses (sushi, tempura, arroz aromatizado, algas, washawi...). Como vedes, pódese viaxar de moitos xeitos...

No hay comentarios:

Neste blog utilizamos as imaxes con fins educativos. Se algunha delas estivese suxeita a dereitos de autor, pregamos vos poñades en contacto connosco para retirala de inmediato.



Deseño logo: shouvas