Esta mañán estivo na Biblioteca Sarmiento o autor teatral Rubén Ruibal. O alumnado de 4º de ESO, entre os que se atopaban varios membros do club de lectura Fendetestas, escoitou, dentro dun marco realmente agradable e distendido, cales son as motivacións literarias dun escritor atraído polo formato teatral. Foinos abrindo portas para entrar en Limpeza de sangue e camiñar polo contido da obra sen perdernos: recordos da súa infancia e xuventude, a pegada da Coruña na súa vida, a hipocresía da sociedade cando se vive unha bonanza económica, a necesidade de inquedar aos lectores, mostrándolles que non todo felicidade nin perfección...Dicía K. Mansfield que " O pracer de ler é dobre cando se vive con outra persoa coa que compartir os libros". Se, ademáis, esa persoa é o autor do libro que lemos, a experiencia resulta impagable.
No hay comentarios:
Publicar un comentario