A comezos de febreiro visitounos Riveiro Coello. No
distendido encontro que mantivemos con el falounos da súa vida e de como xurdiu
nel a vocación de escritor. Os comentarios literarios xiraron arredor d´A
quinta de Saler, obra de lectura obrigada para nós no pasado trimestre.
Ademais, achegou información de moito interese sobre o Couto Mixto, unha
realidade ben coñecida por el a través das súas relacións familiares.
A afabilidade e a simpatía foron as notas predominantes
do seu carácter e contribuíron- como el pretendía- a derrubar a mitificación da
figura do escritor. As anécdotas da súa vida lograron que nós, como
adolescentes inseguros que somos, nos sentísemos totalmente reflectidos nas
súas palabras.
Ainhoa Vázquez e Olalla Pérez, de 1º bacharelato B foron as encargadas da súa
presentación. Mentres que Alicia Seoane
e Tamara Cao, de 1º bacharelato A,
lle fixeron unha interesante entrevista.
A seguir, recollemos algunhas opinións sobre a xornada:
A experiencia da charla foi moi agradable e amena. O
autor demostrou moita humanidade e deunos unhas entretidas explicacións sobre a
súa vida e a súa obra literaria.
Elvira Sánchez,
1º Bach C
Pareceume moi interesante que nos
comentara que escribir un libro non é só
narrar unha historia, hai todo un traballo de documentación detrás sobre
a época, os lugares, os datos históricos…
Ana Belén
Vázquez, 1º Bach C
A
visita de Riveiro Coello resultoume moi interesante. Chamoume a
atención o que nos comentou de que el, á nosa idade, tampouco sabía a
que
se ía dedicar profesionalmente. O seu comentario tranquilizou a moitos
de nós que aínda estamos padecendo
esa indecisión.
Noelia López, 1º
Bach C
O que máis me gustou do encontro foi saber a historia do Couto Mixto e a razón pola que
escolleu ese lugar para ambientar A
Quinta de Saler.
Brenda
Pérez, 1º Bach C
Creo que o escritor tiña moita facilidade para falar
sobre a súa vida e a súa obra sen que resultase aburrido. Pareceume un
profesional con grandes dotes para contar boas historias e moi comprometido co
seu traballo.
Iago Bermejo, 1º
Bach C
Interesoume moito saber o motivo polo que decidiu
ambientar a novela no Couto Mixto, facendo referencia á súa vinculación
familiar con esta zona. Tamén me gustou a súa proximidade, sobre todo nos
relatos das anécdotas da súa vida.
Daniel Cardesín,
1º Bach B
Foi unha sesión moi acolledora, xa que o noso convidado
se amosou cercano en todo momento. Penso que conseguiu gañar a atención de
todos os presentes rapidamente. Realmente resultou ameno e entretido. Moitas
grazas, Antón, pola túa visita.
Alicia Seoane
Freire, 1º Bach A
Algo que me chamou moito a atención no encontro con
Riveiro Coello foi saber que antes de escritor fora músico e ata tivera
oportunidade de pertencer ao grupo Los Suaves, pero non contara coa aprobación
paterna. Logo, cando falou da súa mocidade, rin moito coa historia de como
coñeceu á súa muller. Foi unha xornada entretida e moi interesante.
Antonio Sánchez
Vilariño, 1º Bach A
O que máis me gustou foi a cercanía do autor. Contounos
anécdotas da súa vida moi interesantes e graciosas. Agora cando volva ler outra
obra súa terei unha perspectiva diferente, porque o coñecín en persoa e porque
nos contou como aborda o proceso da escrita. Mágoa que quedaran aínda moitas
preguntas por responder.
Aylín Penas
Holguín, 1º Bach A
O encontro con Riveiro Coello foi unha grande
oportunidade para coñecelo mellor e, sobre todo, para saber que hai detrás dun
libro. O que máis me gustou foi a proximidade e que creou un ambiente moi
acolledor e animounos a introducirnos no mundo da lectura e da escrita.
Marta García
Méndez, 1º Bach A
Riveiro Coello amosouse no noso centro como unha persoa
moi interesante e con moitas historias que contar, máis aló dos libros que
escribiu. Falounos da súa infancia e dos comezos como escritor, algo que sempre
resulta sorprendente para rapaces coma nós, xa que aconteceu cando tiña a nosa
idade. Debullou tamén o seu proceso de escrita e explicounos distintos aspectos
da novela.
Ademais da indubidable valía do escritor, está a persoa
que sabe transmitir as historias vividas e fai que nos sintamos identificados
con elas.
Diego Rivadulla
Sánchez, 1º Bach A
Interesantísima e moi entretida a charla. Coñecemos,
entre outras moitas cousas relacionadas coa súa vida e coa súa obra, a positiva
opinión que ten sobre a cultura galega actual e a súa situación, soubemos por
que escribe en galego e mesmo o seu rexeitamento cara ás políticas que non
defenden a cultura.
Pedro Liñeira
Rey, 1º Bach A
O autor respondeu con humor e fixo que a sesión fose moi
levadeiro. Quedou curto o tempo que houbo para realizar preguntas, pero aínda
así puidemos disfrutar da cercanía do autor e do bo tempo pasado.
Iago Ascariz, 1º
Bach A
Chamoume a atención que bote man de persoas do seu
arredor como a familia e os amigos para caracterizar os personaxes das súas
obras. Tamén a presenza reiterada da figura do avó, xa que era moi importante para el.
Andrea Cabo
Lamas, 1º Bach A
O máis sorprendente foi que nos dixo que cando era
pequeno non tiña nin idea de que ía acabar sendo escritor, aínda que recoñeceu
que todos os profesores eloxiaban a súa redacción e que ten aprobado moitos
exames grazas a iso.
Laura Valiño
Ares, º Bach A
Díxonos que recordaba moi ben a súa visita ao centro hai
dezaseis anos, xa que era unha das primeiras veces que mantiña encontros cos
lectores, e que o recordo era grato xa que fora moi ben acollido en Curtis.
Daniel Quintela
Casal, 1º Bach A
O mellor momento foi cando dixo: "Agora se tedes
algunha pregunta contéstovola encantado", e a xente empezou a preguntar
sobre A Quinta. A súa visita axudounos a
achegarnos máis á escrita en galego e a despexar as dúbidas sobre o escritor e
a obra.
Nicolás Ares
Paredes, 1º Bach A
Gustoume que mesturase anécdotas persoais e que crease un
ambiente distendido e acolledor. Botei en falta que se "mollase" máis
nalgunhas preguntas formuladas na entrevista.
Andrea Seoane
Vázquez, 1º Bach A
Gustoume saber o motivo polo que A quinta está ambientada
no Couto Mixto, lugar de orixe dos seus
avós maternos, o que o levou a documentarse para escribila. Tamén o motivo polo
que o final da obra é tan inesperado e que se fose hoxe sería diferente.
Paula Sánchez
Merelas, 1º Bach A
No hay comentarios:
Publicar un comentario