Blog da Biblioteca do IES de Curtis: La energía liberada

10/11/11

La energía liberada

Vivimos nunha cultura social que só mira a superficie. Pero sabemos que debaixo da cortiza terrestre xérase un tipo de enerxía que en ocasións se libera e xera vida. Así mesmo a sociedade vese alterada por forzas económicas, mediáticas, políticas moi activas "o neoliberalismo, os gobernos sometidos aos poderes económicos, Barack Obama, os países emerxentes, a Unión Europea, España", de complexa estrutura e variados matices, que inflúen nela dun ou outro xeito, empúxanse ou alíanse. Este é o tempo dos grandes movementos. Necesitamos sentir que somos capaces de poder cambiar o noso presente para que non nos arrebaten os nosos dereitos, para que quen xestionan a nosa existencia non nos enganen co seu mutismo mentres se acumulan os agravios, para deixar de respirar tanta zozobra.

A xornalista Rosa María Artal, coordinadora e coautora de Reacciona, parte dunha metáfora xeolóxica para articular de xeito maxistral unha análise profunda da crise, por que non se remedia, que solucións está arbitrando a sociedade civil e o impacto de movementos como Wikileaks, o volcán islandés, o 15M ou o renacemento dunha conciencia cidadá. Un libro necesario que recolle a vehemencia e o empuxe dos cidadáns que loitan por conseguir cambiar os seus destinos, que xa son enerxía liberada e ansían sumar forzas a esa erupción, unha explosión de dignidade que actúe máis aló da superficie.

No hay comentarios:

Neste blog utilizamos as imaxes con fins educativos. Se algunha delas estivese suxeita a dereitos de autor, pregamos vos poñades en contacto connosco para retirala de inmediato.



Deseño logo: shouvas