Átropos ou As Parcas (pintura negra), Francisco de Goya |
As
Parcas, chamadas Moiras en Grecia, eran tres divindades que
personificaban o destino. Pertencen a primeira xeración divina e
encargábanse de establecer a duración da vida de cada persoa.
Os
seus nomes eran Cloto (Nona, en Roma), Láquesis (Décima, en Roma) e
Átropos (Morta, en Roma). Son representadas como tres vellas
fiandeiras. A primeira representaba o nacemento, a segunda o
matrimonio e a terceira a morte. Cloto fiaba o fío da vida cunha
roca e un fuso, Láquesis medíao coa súa vara e Átropos, a máis
terrible, cortábao coas súas tesoiras, cando chegaba a hora. Zeus
informábaas sobre quen debía morrer e era capaz de retrasar esa
morte, pero non de evitala, xa que incluso el estaba sometido ás
Parcas.
No Foro de Roma
estaban as súas estatuas, chamadas Tria Fata ou Tres
Destinos, en alusión ao Fatum ou personificación do destino. Do
plural Fata, deriva o substantivo “ fada".
Elvira Sánchez Barreiro, 4º ESO-B
No hay comentarios:
Publicar un comentario