Os Caneiros en Os libros arden mal

Mirou entre as taboas do valado, dende a Gaitiera. Todos os trens estaban parados e aquel silencio das máquinas pareceulle un silencio redobrado. O tren dos Caneiros endexamais saíu. Converteuse nunha locomotiva fantasma. Cando de novo se puxeron en marcha, todos os convois irían a partir de entón, dunha maneira ou doutra, en dirección á guerra. Calquera que coñocera ben os trens, sabía que cambiaran o son. As máquinas, os camiños de ferro, todo era o mesmo, mais cambiara o son.