Matemáticas de libro

Matemáticas de cine

Biblioteca escolar... matemático!!!

Biblioteca escolar... matemático!!! é o lema elixido este ano para o cartel da campaña de comezos de curso nas bibliotecas escolares galegas. A Consellería de Cultura, Educación e Ordenación Universitaria continúa así a liña iniciada no pasado curso, coa que se pretende incidir na función da biblioteca como apoio ás necesidades das distintas áreas de aprendizaxe. Nesta ocasión, o lema xoga a salientar o papel imprescindible da biblioteca escolar e, ao tempo, quere lembrar a necesidade de espertar o interese polas matemáticas, achegándose a elas de forma natural e incitando a descubrir a súa presenza na natureza e nos obxectos que nos rodean.

O ilustrador David Pintor foi o encargado de poñer imaxe ao lema desta campaña e velaquí a súa interpretación: unha biblioteca matemática polos catro costados, chea de vida e ben ilustrativa do que este espazo educativo pode ofrecer ao noso alumnado.

Existen xa interesantes experiencias en bibliotecas escolares galegas que contemplan entre as súas actividades propostas concretas arredor das matemáticas. Agardamos que esta nova iniciativa sirva para apoiar novas propostas e favoreza unha maior presenza desta área do coñecemento nas bibliotecas escolares e no día a día dos centros.

Vía Bibliotecas Escolares de Galicia

Doris Lessing

Doris Lessing, escritora británica gañadora do Premio  Nobel de Literatura no ano 2007,  faleceu o pasado día 17.

Foi unha narradora, poeta, ensaísta e intelectual comprometida coa vida e a literatura .

Ademais do seu legado literario deixounos  en herdanza moitas e moi lúcidas mostras do seu pensamento. Dende a Biblioteca Sarmiento queremos quedar cunha fermosa cita chea de profundidade e significado:

 

 
"A biblioteca é a máis democrática das institucións, porque ningúen  en absoluto nos pode dicir  que ler, cando e como."

 Doris Lessing (1919-2013)

                                 

BIBLIOVIVA

Estamos a vivir, no noso IES, como en todos os demais, imaxinamos, unha semana chea de actividade: exames, fin do trimestre, en fin, moito traballo para todos os que día a día nos movemos nesta ardua tarefa de ensinar e aprender... A Biblioteca Sarmiento acolle, recreo tras recreo, un bo número de alumnos que atopan neste espazo un lugar axeitado para o seu traballo diario. Unha imaxe fala máis, neste caso, que mil palabras.

Día da Biblioteca

Para celebrarmos o Día da biblioteca (24 de outubro), o mes da biblioteca escolar (segundo convocatoria da IASL), un curso máis, a Consellería de Educación edita un cartaz cunha imaxe dun autor galego. Nesta ocasión, Emma Ríos, ilustradora do mundo do cómic, interpreta o lema proposto, Biblioteca escolar, última xeración, e ofrécenos unha visión alegre e cómplice do que son e poden ser as bibliotecas escolares: lugares de encontro e de convivencia, espazos de aprendizaxe e de contacto gozoso coa cultura escrita; integración dos distintos soportes e formatos que albergan a información e os contidos culturais, oportunidades para soñar e imaxinar; apoio para a adquisición de competencias básicas e construción de coñecementos de calquera tipo; escolas de cidadanía.

Vía Bibliotecas escolares de Galicia

Ilustrado por Elena Odriozola e texto do escritor Patxi Zubizarreta.

Biblioteca do IES de Brión

Son as 5 da tarde e atópome nesta nova Biblioteca o cal me trae o recordo da nosa Biblioteca Sarmiento. Ademais descubro que Pablo Naveira acórdase tamén do noso centro, de min e Reme, a nostalxia é inevitable. Aínda que pouco a pouco vou atopando o meu sitio neste novo destino, supúsome algunas dias de nerviosismo e mal durmir.
Este ano teño pensado ler co alumnado de 2º de ESO o delicioso e sorprendente libro de Mark Haddon El curioso incidente del perro a medianoche. Ata o de agora nunca impartira clases na ESO, todo un novo reto que para min suporá un desafío.
Son as 5 da tarde e agora terei que subir a dar clase de 2º de Bacharelato e falar de Platón con este calor. Pasei do frío absoluto o extremo contrario. Nesta clase leva dando o Sol todo o día e algún día vou medir a temperatura por curiosidade.
Apertas a tod@s dende Brión.

No sólo de pan vive el hombre

Tal mes coma este, no ano 1931, Federico  García Lorca pronunciou  na inauguración da primeira biblioteca de Fuente Vaqueros (Granada) estas palabras:

"No sólo de pan vive el hombre. Yo, si tuviera hambre y estuviera desvalido en la calle no pediría un pan; sino que pediría medio pan y un libro. Bien está que todos los hombres coman, pero que todos los hombres sepan. Que gocen todos los frutos del espíritu humano porque lo contrario es convertirlos en máquinas al servicio del Estado, es convertirlos en esclavos de una terrible organización social. Yo tengo mucha más lástima de un hombre que quiere saber y no puede, que de un hambriento. Porque un hambriento puede calmar su hambre fácilmente con un pedazo de pan o con unas frutas, pero un hombre que tiene ansia de saber y no tiene medios, sufre una terrible agonía porque son libros, libros, muchos libros los que necesita y ¿dónde están esos libros? ¡Libros! ¡Libros! Hace aquí una palabra mágica que equivale a decir: “amor, amor”, y que debían los pueblos pedir como piden pan o como anhelan lluvia para sus sementeras. Cuando el insigne escritor ruso Fedor Dostoyevsky, padre de la revolución rusa mucho más que Lenin, estaba prisionero en la Siberia, alejado del mundo, entre cuatro paredes y cercado por desoladas llanuras de nieve infinita; y pedía socorro en carta a su lejana familia, sólo decía: “¡Enviadme libros, libros, muchos libros para que mi alma no muera!”. Tenía frío y no pedía fuego, tenía terrible sed y no pedía agua: pedía libros, es decir, horizontes, es decir, escaleras para subir la cumbre del espíritu y del corazón. Porque la agonía física, biológica, natural, de un cuerpo por hambre, sed o frío, dura poco, muy poco, pero la agonía del alma insatisfecha dura toda la vida"

Galiciana - Biblioteca de Galicia

Galiciana é a Biblioteca Dixital de Galicia impulsada pola Consellería de Cultura e Turismo da Xunta de Galicia e a Fundación Cidade da Cultura e xestionada pola Biblioteca de Galicia co obxectivo de difundir e preservar o rico acervo bibliográfico galego.

O proxecto pretende non só a dixitalización dos fondos senón tamén a normalización do acceso mediante a aplicación de normativas abertas e internacionais, co fin de facilitar a máxima visibilidade da biblioteca e de cada unha das súas obras.

Galiciana integra, ademais de fondos da propia Biblioteca de Galicia, recursos das principais bibliotecas patrimoniais galegas e de centros galegos en América. Intégrase en Hispana, o directorio e colleiteiro de recursos dixitais españois e Europeana, a Biblioteca Dixital Europea xurdida como unha forma de contribuír á preservación e difusión do patrimonio bibliográfico e co fin de mostrar ao mundo a riqueza cultural dos pobos de Europa.

A insoportable levedade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Bibliotecas

Velaquí tedes o resultado do traballo que sobre as bibliotecas realizou unha alumna do noso centro. Paga a pena!

As bibliotecas do mundo

View more presentations from teresaportos

Chega o Día do Amor e d@s Namorad@s

Aquí déixovos unha serie de interesantes e preciosas achegas de bibliotecas amigas para o Día dos Namorados.

O Segrel do Penedo

(IES de Fene)

Os trasnos dos libros
(IES de Poio)

¿CÓMO USAR LA BIBLIOTECA Y NO FRACASAR EN EL INTENTO?

Uno de los objetivos del equipo de profesores que se encargan del funcionamiento de la Biblioteca Sarmiento es mostrar al alumnado la eficacia y la utilidad de este espacio a la hora de llevar adelante sus diferentes tareas. Para ello, además de abrir a diario las puertas del espacio físico de esta zona del centro, se están realizando en diferentes cursos de ESO actividades in situ de formación de usuarios: qué tipos de fondos existen, cómo se clasifican, en qué anaqueles están, cómo se demanda su préstamo, cuánto tiempo puede llevarse a casa, cómo informarse de las novedades adquiridas... No sólo es necesario ofrecer materiales: es preciso enseñar como acceder autónomamente a ellos en cualquier biblioteca.

Biblioburro

Os libros dan a felicidade

Vía Trafegando ronseis

Outubro: Mes Internacional da Biblioteca Escolar

O desafío de atender á diversidade: Bibliotecas escolares para todos

III Encontros de bibliotecas escolares de Galicia

Os días 29 e 30 de outubro celebraranse en Santiago de Compostela (Palacio de Congresos) os III Encontros de Bibliotecas Escolares de Galicia. O lema desta cita será VARIACIÓNS SOBRE A LECTURA, e será unha oportunidade para a difusión de experiencias que se están a levar a cabo en centros escolares galegos (algún tamén de fóra de Galicia), arredor desta cuestión (a lectura), que aúna tantas vontades e merece tanta atención en tempos de mudanzas tecnolóxicas e, ao dicir de algúns expertos, de paradigma na cultura escrita e na forma de ler e de escribir. Será un punto de encontro do gran colectivo galego das bibliotecas escolares para seguir ampliando as posibilidades de colaboración. O prazo de inscrición remata o 24 de setembro. Pre-programa.


Inscrición a través da páxina http://www.edu.xunta.es/fprofe (materia “bibliotecas escolares”,
organiza “servizos centrais”)

Lecturas a carón do mar

Curiosa iniciativa a do concello de Vila do Conde, a de instalar bibliotecas nas súas praias para fomentar a lectura entre os que se deixan caer por alí!

E xa é o terceiro verán!

Bibliotecas escolares: o último reino de papel?

Acaba de publicarse o libro titulado BIBLIOTECAS ESCOLARES ÚLTIMO REINO DO PAPEL? coordinado por Manuel Area xunto con Manuel Ortiz. Foi editado polo CEP da Orotava (Tenerife) con cofinanciamento do Goberno de Canarias e o Ministerio de Educación. Publicouse en formato tradicional en papel, pero tamén hai unha versión on line.


É un texto colectivo onde os autores formulanse analizar que sentido teñen as bibliotecas escolares na formación dos futuros cidadáns do século XXI? que papel educativo ten o libro imprimido na escola da era dixital? que propostas de futuro temos que elaborar cara a que os centros educativos sigan mantendo espazos físicos dedicados á cultura difundida en papel? Para que serven hoxe en día as bibliotecas nas escolas? en que medida estas seguen favorecendo, animando e estimulando a experiencia da lectura nos nenos e adolescentes? as bibliotecas en xeral, e particularmente as escolares, serán o último reino do papel na sociedade do terceiro milenio?.


Este libro está organizado en dúas grandes partes ou bloques temáticos: un primeiro dedicado a ofrecer visións ou análises críticas do presente e futuro das bibliotecas nos que participan autores de diferentes universidades e institucións españolas, e unha segunda, destinada a presentar e difundir prácticas bibliotecarias desenvolvidas en centros educativos do arquipélago. Está prologado polo xornalista e escritor Juan Cruz.

( vía Ordenadores en el aula)

PARA GARDAR NA MEMORIA

Velaquí un par de citas dirixidas a todos aqueles que atopan na biblioteca aquelo que buscan no día a día... información, descanso, tranquilidade, silencio, evasión, outras realidades, sorrisos...

En Egipto se llamaban las bibliotecas el tesoro de los remedios del alma. En efecto, curábase en ellas de la ignorancia, la más peligrosa de las enfermedades y el origen de todas las demás. Jackes Benigne Bossuet.

Hay quienes no pueden imaginar un mundo sin pájaros; hay quienes no pueden imaginar un mundo sin agua; en lo que a mi se refiere, soy incapaz de imaginar un mundo sin libros. Jorge Luis Borges