Encontro con Paco Roca

Deixámosvos aquí o vídeo do encontro con Paco Roca na nosa biblioteca

 

Encontro con Paco Roca from Curtisbiblio on Vimeo.

Encontro con Paco Roca

"Considérome un deses privilexiados que conseguiu vivir do seu soño infantil. Dende pequeno quería traballar debuxando e na actualidade compaxino a ilustración co cómic"

El Faro (2004): Premio ao Mellor Guión Realista polo Diario de Avisos de Tenerife 2005.

Arrugas / Engurras (2007): Premio Nacional do Cómic 2008, Premio ao Mellor Guión de Autor Español e á Mellor Obra de Autor Español do 2007 no XXVI Saló Internacional de Cómic de Barcelona, Premio Gran Guinigi á Mellor Historia Longa do Festival de Lucca 2008 (Italia), Premio ao Mellor Álbum no Festival de Roma, Premios Dolmen da crítica 2008 ao Mellor Guión e á Mellor Obra, Premio Expocómic 2008 á Mellor Obra Española.

El invierno del dibujante (2010): XXXI premio Diario de Avisos de Tenerife 2008 ao Mellor Guión de Historieta Realista, Mellor Obra Española do Salón do Cómic de Barcelona 2011 e Mellor Obra e Mellor Guión en Expocómic 2011, Premio ao Mejor Autor Extranxeiro no VIII Treviso Comic Book Festival 2011(Italia), Premio ao Mejor Guión Nacional e Mellor Obra Nacional en Expocómic 2011.

Paco Roca naceu no ano 1969 no barrio de Patraix da cidade de Valencia. Tan amante dos tebeos de Bruguera o de Frank Miller como de Hergé ou Carlos Giménez, Roca decidiu volcar a súa paixón polo debuxo na súa primeira etapa colexial antes de estudar Belas Artes.

Nos años 90 debuxou cómic erótico en “Kiss Comix” e “El Víbora”, sendo o autor de varias portadas de ámbalas dúas revistas. En “El Víbora” colaborou co guionista Juan Miguel Aguilera para crear Road Cartoons (1998). Dous anos despois publicaron o libro en branco e negro GOG (2000), primeiro álbum de Roca tras os seus anteriores traballos de historias curtas. Máis tarde o autor valenciano publicou en solitario El juego lúgubre (2001), cómic inspirado polo pintor surrealista Salvador Dalí que na súa orixe foi editado en branco e negro e mais tarde coloreado, Hijos de La Alhambra (2003), con influencias de Washington Irving e o protagonismo nun pintor romántico francés na Granada do século XIX, e El faro (2005), álbum con ambientación costeira e intercambio de ideas no contexto da Guerra Civil Española.

Arrugas / Engurras (2007), historias sobre o Alzheimer e a vellez, foi a súa revelación internacional e unha obra que lle valeu o Premio Nacional de Cómic 2008.

Outros títulos da súa bibliografía son Las calles de arena (2008), Senderos (2009), Emotional world tour (2009), El invierno del dibujante (2010), crónica sobre os debuxantes de Bruguera nos anos 50, Memorias de un hombre en pijama (2011), volume que recompila tiras dominicais aparecidas no xornal “Las Provincias” ou La Metamorfosis (2011), con ilustracións baseadas no texto do autor checo Franz Kakfa. O seu último cómic é Los surcos del azar (2013), libro sobre La Nueve, unha compañía militar formada por republicanos españois que loitou en Francia contra os nazis.

Paco Roca tamén traballou no cine coa adaptación de Engurras como película de animación clásica. Producida por Perro Verde Films e Cromosoma, dirixida por Ignacio Ferreras e na que Paco Roca exerceu de guionista e realizou o deseño de personaxes, a película obtivo dous Premios Goya, á Mellor Película de Animación e ao Mellor Guión Adaptado. Foi tamén preseleccionada para os Oscar á Mellor Película de Animación e obtivo cinco premios Mestre Mateo (Longametraxe de Animación, Guión, Dirección Artística, Son, Música Orixinal).

Para a televisión ten feito sketch e cabeceiras para algúns programas. Na radio colabora todas as semanas dende hai anos nun faladoiro radiofónico en Punto Radio Valencia. Dende 2013 Roca é, xunto co debuxante Max, un dos encargados da sección de cómic de El País Semanal.

Fontes:

Páxina web de Paco Roca

Guía do cómic

Astiberri

El País

XX Semana Cultural - Luns

Xosé Manuel Beiras Torrado

Charla: Crise e movementos sociais. Alternativas
Relator: Xosé Manuel Beiras Torrado (Catedrático de Estrutura Económica da USC e dirixente histórico do nacionalismo galego)




 

    

José Antonio Vázquez Taín

Charla: A función da Xustiza
Relator: J. A. Vázquez Taín (Xuíz)










Charla: O Deportivo da Coruña: alegrías,ilusión, sentimento e situación
Relator: Alberto Gómez Barros (Xornalista deportivo. Onda Cero, Radio Coruña)

Carlos Negro

    Encontro literario: Carlos Negro (Poeta e profesor)








Obradoiro: Linguaxe publicitaria
Imparte: Equipo biblioteca

As nosas impresións do encontro con Marica Campo

 O pasado martes, 20 de marzo, contamos no noso centro coa presenza da escritora Marica Campo. Os rapaces e rapazas de 1º ESO recibimos á autora de E Xoel aprendeu a voar con moitas ganas de saber cousas sobre ela e a súa obra.  Antes do encontro tivemos a oportunidade de facerlle unha pequena entrevista. 

 A continuación  Marica Campo falounos de temas moi variados, pero o  máis destacado foi, sen dúbida, a importancia da lectura. Díxonos que ler era como vivir moitas vidas.

Respondeu ás nosas preguntas sobre o libro e sobre ela, e contounos moitas cousas da súa familia. Pareceunos moi divertida e chamounos moito a atención o comentario que nos fixo de que falaba cos seus antigos alumnos polo Facebok.

Para rematar leunos un poema  que se titulaba " Confeso que estou tola", onde falaba de como era ela e como se sentía.

                                   Alumnado de 1º ESO

Encontro con Abraham Carreiro

Os rapaces e rapazas de 1º ESO imos manter un encontro con Abraham Carreiro, ilustrador de Xoeliki. As aventuras dun ciberpirata. Será o martes, 6 de marzo.

Abraham Carreiro é debuxante, ilustrador e deseñador gráfico. Ademais do libro que lemos nós, publicou, entre outros títulos, Contos que len outros nenos no mundo e Os pequenos Barbanzóns.

Recollemos unha pequena selección dos comentarios que fixemos na clase sobre o libro:

" Mantén a intriga ata o final, é moi emocionante porque ten un ritmo moi rápido, e iso fai que sexa moi fácil de ler".

"Con  Xoeliki aprendes que co traballo en equipo é máis doado conseguir o que queres".

"Chaman a atención as ilustracións que reproducen a pantalla dun ordenador, fan que a lectura sexa máis divertida".

 "Aprendemos moitas cousas relacionadas co tema dos ordenadores". 

Agardamos que  Abraham Carreiro ademais de contarnos como creou os personaxes e como fai as ilustracións, nos responda a algunhas das cuestións que se nos ocorreron sobre el e o seu libro.

 Deixámosvos o tráiler do libro:

  E máis información na web de  Xoeliki