HOME creouse para ti. Corre a voz e colabora co planeta.

Título: HOME

Director: Yann Arthus Bertrand

Xénero: Documental

Duración: 93 min.
Ano: 2009

Estamos a vivir un período crucial. Os científicos dinnos que só temos 10 anos para cambiar os nosos modos de vida, evitar de esgotar os recursos naturais e impedir unha evolución catastrófica do clima da Terra.

Cada un de nós debe participar no esforzo colectivo, e é para sensibilizar o maior número de persoas que realicei a película HOME.

Para que esta película sexa difundida o máis amplamente posible, tiña que ser gratuíta. Un mecenas, o grupo PPR, permitiu que o sexa. Europacorp que o distribúe, comprometeuse en non ter ningún beneficio porque HOME non ten ningún interese comercial.

Gustaríame que esta película se converta na vosa pelicula. Compárteo. E actúa.

Yann Arthus-Bertrand

WebIslam

Informe pedagóxico destinado a quen desexen levar a cabo un traballo máis profundo sobre a película.

O voitre negro, ave do ano 2010

O voitre negro, Aegypius monachus, é unha especie de ave falconiforme da familia accipitridae, a única do seu xénero e un dos poucos voitres que se poden atopar en Europa xunto con voitre leonado, o alimoche e o quebrantaosos. É o rapaz máis grande de España. A súa envergadura pode alcanzar os 3 metros e pesa entre 7 e 10 quilos. As plumas dos mozos son dunha magnífica cor negra brillante, agás a penuxe do colo e a coronilla que é gris clara. Os maiores son marróns.

A Sociedade Española de Ornitoloxía acaba de nomealo Ave do ano 2010. Con ese nomeamento quérese chamar a atención sobre a situación actual deste fermoso ave. Na década dos setenta chegou a ser unha especie moi escasa e ameazada, con menos de 200 parellas reprodutoras. Dende entón a especie recuperouse: xa hai 2.000 parellas. A pesar destes datos tan esperanzadores, algunhas ameazas seguen causando demasiadas mortes. Posiblemente a maior causa de mortandade do voitre negro é o uso ilegal de cebos envelenados utilizados en terreos cinexéticos ou na gandaría. Outra grande ameaza é a eliminación sistemática do gando morto no campo. A raíz da crise das vacas tolas, a lei obriga a retirar os animais mortos e, como consecuencia, os voitres quedan sen alimento. Tamén a xestión inadecuada dos montes ten efectos negativos sobre o benestar deste gran rapaz, por exemplo, ao abrir pistas, devasas ou accesos para excursionistas. A colisión con tendidos eléctricos e a electrocución é pouco importante no voitre negro, pero podería aumentar pola proliferación de tendidos asociados a parques eólicos en moitas áreas de España.

Nature by numbers

A TEORÍA TRAS A PELÍCULA

A animación arranca presentando unha sucesión de números. Unha serie moi famosa e recoñecida dende hai moitos séculos no mundo occidental grazas a Leonardo de Pisa, unha matemático italiano do século XIII, tamén chamado Fibonacci. Por iso coñéceselle como Sucesión de Fibonacci, aínda que xa fora descrita con moita anterioridade polos matemáticos hindús. (máis)