Eu son...

Se queres ser universal, fala da túa aldea

                                                                                                          León Tolstói

A exposición Eu son… naceu cun dobre obxectivo: por unha banda pretendía render homenaxe a Memorias dun neno labrego, obra singular na historia das nosas letras e, por outra, ofrecer un tributo aos nosos antergos, a todas aquelas persoas que teceron coas súas vidas os nosos presentes.

Galicia estivo chea de nenos e nenas labregas con historias sentidas que contar. As que aquí se recollen reflicten a vida da aldea, da escola, dos traballos do campo, da emigración, da represión, do amor, da ditadura… Esas historias de vidas anónimas forman parte do noso pasado e tamén do noso presente: elas son a nosa raizame e é de xustiza que non caian no esquecemento.

Velaquí as nosas memorias  que hoxe, máis ca nunca, convértense nunha sentida homenaxe ao creador de Balbino.

 

Literatura e Automóbil

"A literatura, igual que as demais artes, atopou no automóbil non só motivo ou pretexto conxuntural, senón, con frecuencia, tamén a un novo personaxe, á vez mudo e cargado de sentido, capaz de catalizar e galvanizar as paixóns, desexos e frustracións dos máis tradicionais de carne e óso".

James Ellroy, Paul Theroux, Cees Nooteboom, Bryce Echenique, Eduardo Mendoza e Enrique Villa-Matas participaron na VII Conferencia Internacional "Literatura y Automóvil", organizada pola Fundación Eduardo Barreiros en colaboración coa Fundación MAPFRE, celebrada en Madrid do 5 ao 8 deste mes.

Durante estes catro días, nos distintos encontros que tiveron lugar durante as xornadas, este grupo de escritores, xornalistas e críticos, analizaron as moi variadas representacións do automóbil nas letras contemporáneas e debateron acerca desas relacións e do seu persoal modo de enfrontarse con elas na súa produción literaria.

Ademais, durante a cita, dous dos escritores españois máis recoñecidos internacionalmente, Eduardo Mendoza e Enrique Villa-Matas, charlaron sobre os vínculos do mundo das catro rodas e a literatura. Outro encontro, Cees Nooteboom e Paul Theroux, moderados por Juan Cruz, falaron de literatura e motor, ao redor dunha mesa titulada "Dos en la carretera".

Thomas Tranströmmer - Premio Nobel de Literatura 2011

Tomas Tranströmer (Estocolmo, 1931). Escritor, poeta e tradutor sueco. Desde moi novo alternou o seu traballo de psicólogo coa escritura de poesía. Desde a publicación do seu primeiro libro, 17 dikter (17 poemas) en 1954, aclamado pola crítica, a súa produción creceu sen présa e sen pausa, á vez que a súa obra foi sendo traducida a distintas linguas; na actualidade os seus poemas poden lerse en máis de corenta idiomas. Xunto a Swedenborg e Strindberg, é un dos escritores suecos que máis influíu na poesía universal.

Tranströmer gañou os premios Bonnier de Poesía, o Premio Internacional Neustadt de Literatura, o Oevralids, o Petrach de Alemaña, e o galardón sueco do Foro Internacional da Poesía.

A academia sueca outorgoulle o galardón polo seu estilo sustentado no valor da palabra e na súa capacidade por crear unhas imaxes impactantes próximas ao surrealismo.

Fillo dun xornalista -que o abandonou cando tiña tres anos- e dunha mestra de escola, Tranströmer gañouse a vida como psicólogo en centros penais mentres elaboraba unha obra poética sen présa.

En 1990, Tranströmer sufriu unha hemiplexía que afectou á súa capacidade no fala pero que non lle impediu seguir escribindo. Dezaseis anos antes de que isto sucedese, o poeta previu o que ía ocorrer nun dos seus poemas máis sobrecolledores, Bálticos.

"Entón chega o derrame cerebral: parálise no lado dereito

con afasia , só comprende frases curtas,

di palabras inadecuadas.

Así non alcanzan nin o ascenso nin a condena.

Pero a música permanece, segue compondo no seu propio estilo".

«Os poemas de Tranströmer permítennos acceder ao máis profundo dunha imaxinación desbordante, admirable... Estes poemas móstrannos a un dos mellores escritores das últimas cinco décadas.»

The New York Estafes Book Review

«Hai poetas que nos fan máis intelixentes, máis espertos, que nos volven sutís ou sentimentais ou contraditorios. Tranströmer colócanos no mundo, niso que chamamos realidade e que se diferencia do realismo en que a realidade carece de sentido. Pero nos fai sentir fascinación por existir nel».

Carlos Pardo

El cielo a medio hacer

 (visualizar primeiras páxinas en pdf)

Parabéns, Agustín!

A literatura galega vístese de gala, xa que Agustín Fernández Paz vén de ser galardoado co VII Premio Iberoamericano SM de Literatura Infantil e Xuvenil na cidade de Guadalajara (Méjico).

O premio, dotado con 30.000 dólares (uns 22.000 euros), recoñece a traxectoria de autores de recoñecido prestixio. Convócao anualmente o Instituto SM para a Educación xunto coas institucións que conforman a Asociación do Premio: Centro Rexional para o Fomento do Libro en América Latina e o Caribe (CERLALC), International Board on Books for Young People (IBBY), Organización de Estados Iberoamericanos para a Educación, a Ciencia e a Cultura (OEI), e a Oficina Rexional de Educación para América Latina e o Caribe da Organización das Nacións Unidas para a Educación, a Ciencia e a Cultura (UNESCO/OREALC).

Agustín, que sempre escribe en galego porque segundo ten manifestado en distintas ocasión esta é a súa lingua habitual e literaria, é premio nacional de literatura infantil e xuvenil en España (2008) pola súa obra O único que queda é o amor. El non concorda con aqueles que pensan que escribir nunha lingua minorizada pecha portas, e este galardón vén darlle unha vez máis a razón.

Grazas, Agustín, por volvernos facer sentir universais dende a nosa lingua e a nosa cultura.

1Q84 de Haruki Murakami en galego

1Q84, a nova novela do escritor xaponés Haruki Murakami(Kioto, 1949), xa está,  editada por Galaxia, nas librarías do país. Será a primeira entrega dunha triloxía que superará as 1.600 páxinas.

1Q84 desenvolve as historias paralelas de Aomame, unha adestradora de ximnasio que vive unha dobre vida relacionada co asasinato, e Tengo, un profesor de matemáticas a quen un editor encarga a reescritura da novela dunha atractiva adolescente para gañar un concurso de novos talentos. A novela de Murakami, como a de Orwell, desenvólvese no ano 1984 e entre outras temáticas aparecen ao longo da trama o poder e forza das seitas no Xapón ou a cuestión dos malos tratos.

Web Haruki Murakami

Enlace á descarga dos tres primeiros capítulos

I Congreso sobre Literatura e Violencia de Xénero

De Miss Marple a Lisbeth Salander é o título do I Congreso sobre Literatura e Violencia de Xénero que se está a celebrar en Santiago os días 24 e 25 de novembro. Ángeles Caso, Susana Fortes, Marilar Aleixandre, Fina Casalderrei ou Luísa Castro son algunhas das autoras que estarán presentes no encontro. Ademais de autores, no encontro presentaranse diferentes investigacións que analizan a presenza da violencia de xénero na tradición literaria e a súa evolución.

Premio Planeta 2010

Riña de gatos, unha novela de intriga e reflexión, de Eduardo Mendoza, adxudicouse o Premio Planeta 2010.

O autor, que se presentaba baixo o pseudónimo de Ricardo Medina, asina un relato que se traslada á primavera de 1936. Un mozo inglés que é experto en pintura española antiga viaxa a España para taxar un posible Velázquez descoñecido, pero en Madrid xa se anuncia o que será a Guerra Civil...

"É unha novela de intriga e non quero desvelar moitas cousas", dixo. "Pero hai aventuras, misterio e reflexión sobre un momento histórico como é a preguerra civil". Segundo Mendoza trátase dun libro que "formula dilemas morais" ao lector que ten que posicionarse" "en varios aspectos". Unha narración na que interveñen personaxes reais e de ficción.

Web Premios Planeta de Novela

Todo é silencio - Manuel Rivas

Manuel Rivas presentará oficialmente o seu novo traballo en Santiago de Compostela nun acto que terá lugar o vindeiro xoves día 14 ás 19.30 na libraría Couceiro, na Praza de Cervantes. Durante o acto intervirán o propio Manuel Rivas, a cantante Iria Peña e os guitarristas Gastón Rodríguez e Miguel Ladrón de Guevara e o editor Manuel Bragado.

"Todo é silencio" narra o irresistíbel ascenso social de Mariscal, un capo contrabandista, e das almas que habitan Brétema, o universo que domina ao seu antollo. En Brétema, na costa atlántica, houbo un tempo en que as redes do contrabando, reconvertidas ao narcotráfico, acadaron tanto poder que estiveron moi preto de controlar o poder social e as institucións. Todo é silencio narra tamén a vida dun grupo de amigos, aos que une dende a infancia o andar á crebas, á procura de restos de naufraxios, no escenario sempre sorprendente do mar de Galicia. Ese mar que fala cos signos que deita na beira. Dende moi pronto, o destino da xente nova estará determinado pola sombra odiosa e engaiolante a un tempo do omnipresente Mariscal. Unha novela, Todo é silencio, que relata como os círculos do crime rodean e corrompen, non sempre con éxito, o extraño feitizo da condición humana.

Co libro de Rivas, Xerais bate unha marca histórica ao convertérense os 12.000 exemplares de saída na tirada inicial máis alta da historia da editorial.

Asasinato no Consello Nacional - Diego Ameixeiras

Un encarapuchado asasinou de tres disparos a Mario Dacosta, parlamentario do Bloque Nacionalista Galego, cando saía da reunión do Consello Nacional no que a executiva, co seu voceiro á cabeza, Óscar Quiroga, presentou a súa dimisión. Os feitos aconteceron pouco despois das seis da tarde, cando Dacosta se dispuña a arrincar o seu coche, estacionado no aparcadoiro do Hotel Congreso de Santiago de Compostela. Segundo fontes da Delegación do Goberno, o pistoleiro achegouse ao parlamentario e asestoulle tres tiros, fuxindo posteriormente nun vehículo Renault Clio. Un dos disparos impactoulle na cabeza, provocándolle a morte. Os servizos sanitarios trataron de reanimalo no lugar do crime, sen éxito, durante media hora. O presidente en funcións da Xunta de Galiza, Felipe Méndez Tarrío, cualificou o suceso de “atentado contra a democracia”. O vicepresidente Óscar Quiroga, amosouse “conmocionado” e afirmou que “Galiza saberá estar á altura das circunstancias” ante un asasinato “que enche de rabia a todos os demócratas, e especialmente aos nacionalistas galegos”. Fernando Xelmírez, secretario xeral UPG, partido integrado no Bloque e no que o parlamentario militaba dende 1982, amosouse conmocionado polo suceso e cualificou a Dacosta de “camarada insubstituible e extraordinario patriota galego”. Horas antes do crime, Óscar Quiroga anunciara a súa dimisión ao comezo do consello nacional da formación frontista, conclave no que tamén presentou a súa renuncia toda a executiva. Abríase así unha nova etapa despois da derrota sufrida nos comicios autonómicos do 1 de marzo, cuxos resultados devolveron a maioría absoluta ao Partido Popular en detrimento do bipartito formado por PSdG-PSOE e BNG. Alberto Cudeiro, un detective elegante con ínfulas taoístas, recibirá da dirección do BNG o encargo de investigar este crime, que o levará, tamén, a resolver un enigma relacionado coa guerra civil.

Vía Xerais

VII Certame de narración curta do Concello de Curtis

Curtis mon amour

1. Convócase o VII Premio de Narración Curta do Concello de Curtis "CURTIS MON AMOUR", este ano con temática amorosa.
2. Os textos presentados deberán estar escritos en lingua galega.
3. Os texto deberán ser orixinais, inéditos e non premiados en ningún outro certame e deberán ter unha extensión comprendida entre 3000 e 5000 caracteres (espazos incluidos).
4. Enviaranse á seguinte dirección de correo electrónico: curtismonamour@concellodecurtis.org. Achegarase no arquivo unha última folla que conteña unha copia do dni, enderezo, teléfono de contacto, e a categoría á que pertence.
5. A data límite de entrega é o 31/10/2010.
6. Establécense catro categorías:
A. persoas que teñan entre 12 ós 18 anos, de calquera lugar de Galicia ou fóra de Galicia.
B. persoas de 19 anos en diante de calquera lugar de Galicia ou fóra de Galicia.
C. persoas que teñan entre 12 e 18 anos empadroadas no Concello de Curtis.
D. persoas de 19 anos en diante empadroadas no Concello de Curtis.
e un premio económico para cada categoría:
A. 150 euros
B. 250 euros
C. 150 euros
D. 250 euros
7. En calquera das categorías o premio poderá quedar deserto se o xurado considera que os presentados non acadan un mínimo de calidade. Así mesmo, tamén poderán outorgarse segundos premios.
8. Os traballos que non cumplan as presentes bases quedarán fóra de concurso.
9. O xurado estará composto por membros de recoñecido prestixio dentro do mundo da cultura, lingua e as letras.
10. Os traballos premiados pasan a ser propiedade do Concello de Curtis, que se reserva o dereito de publicación a través dos medios que considere oportunos e sen afán de lucro.
11. A presentación das obras supón a aceptación destas bases.

Para calquera dúbida, escribir ó correo electrónico do certame: curtismonamour@concellodecurtis.org.

A Cronica de Marta Dacosta

Os galegos somos coma os salmóns. Se queremos buscar as nosas augas puras e primixenias e seguirmos sendo coma nós mesmos, se queremos sobrevivir, sermos fieis á nosa identidade, temos que deixar o ancho mar do castelán e impulsarnos contra corrente, polos cursos estreitos e doces, río arriba, polos nosos ríos galegos, con perigo de topeñar nalgún penedo, ou de sermos comidos por algún oso no camiño.
Así comezaba o discurso de ingreso na Academia Galega de Bernardino Graña. As veciñas e os veciños de Cangas, e todas e todos os que desexamos acompañar a Bernardino neste momento trascendental para todos e todas nós, puxémonos en pé para mostrarlle ao poeta o orgullo de sentírmonos representadas e representados a través dos seus versos na institución que un día crearon os nosos antecesores.

Non era sen tempo. Era de xustiza. Bernardino ocupa a cadeira que lle corresponde e canda el entraron todo o sal do mar, as maragotas, os arroaces, o gato da tasca mariñeira, as chalanas da ría de Vigo e as mulleres contadoras de historias.

Bernardino falounos dos contos, da importancia da literatura oral que “é realmente un produto popular, creado polas mulleres de Galicia (tamén polos homes)...” e a través da comprobación do carácter internacional desa literatura que sobreviviu ao longo dos séculos salvando con ela á lingua e ao propio pobo, levounos até o Conto gallego de Rosalía, para afirmar rotundamente, contradicindo a Carballo Calero, que o Conto Gallego si é un conto feminista, digno de Rosalía.

Parabéns querido e admirado Bernardino Graña.
No seu blog

Traduciendo a Pablo Gonz

El jueves 10 de junio colgamos este relato de Pablo Gonz en el Blog
CAMBIAR EL MUNDO
Un joven idealista llamado Aiñil se sentó en un peñón que hay en la playa de Los Enamorados y estuvo allí tres días enteros, sin comer y sin beber, hasta que comprendió o inventó o recordó que era impotente para cambiar todo el mundo pero perfectamente capaz de cambiar parte de él. «Según la filosofía –se dijo– al cambiar una parte, el todo cambia; y, según la práctica, las cosas se hacen poco a poco». Y saltó del peñón. Y el mundo cambió al recibir su hermosa huella.
PABLO GONZ
Pablo nos pidió una traducción del relato . Le enviamos esta.

Y la versión en gallego, debida a Loli Carril de Curtis (Coruña):
CAMBIAR O MUNDO
Un mozo idealista chamado Aiñil sentou nun penedo que hai na praia dos Namorados e estivo alí tres días enteiros, sen comer e sen beber, ata que comprendeu ou inventou ou lembrou que era impotente para cambiar todo o mundo pero perfectamente capaz de cambiar parte del. «Segundo a filosofía –díxose– ao cambiar unha parte, o todo cambia; e, segundo a práctica, as cousas fanse aos poucos». E saltou do penedo. E o mundo cambiou ao recibir a súa fermosa pegada.
El relato fue publicado en su blog con este cariñoso comentario “Este microrrelato migró a la Biblioteca Sarmiento del IES de Curtis (Coruña) donde espera su traducción al gallego. Primera traducción del autor a otro idioma. Un cariño saludo a Loli, Begoña y María.
PABLO GONZ”
A esta traducción añadió la de Anna Pou de Llavorsí al catalán, que es ésta .

CANVIAR EL MÓN
Un jove idealista anomenar Aiñil s’assegué sobre una penyal que hi ha a la platja dels Enamorats i s’estigué allí tres dies sencers, sense menjar ni beure, fins que va comprendre o inventar o recordar que era impotent per canviar tot el món però perfectament capaç per canviar una part d’aquest. “Segons la filosofia –es va dir– al canviar una part, el tot canvia; i, segons la pràctica, les coses es fan poc a poc”. Va saltar del penyal. I el món canvià al rebre la seva bonica petjada.
Un hermoso paseo por tres lenguas hermanas. Pasearos por los textos y observar como la sonoridad de cada uno de ellos le aporta matices diferentes a la historia.
El Blog de Pablo Gonz aquí

A ritmo de Rap

Roald Dahl by Vanessa Manteiga (2º ESO B)

Roald Dahl

View more presentations or Upload your own.

Coa lectura do discurso ingresará hoxe no plenario da Real Academia Galega o poeta de Cangas. En nome da Academia responderalle o tamén académico Ramón Lorenzo Vázquez. Graña debullará o significado de certas narracións de fasquía popular que lle serviron como insipiración na súa obra literaria, así como o vínculo que esa poesía popular presenta coa obra rosaliana.
(aelg.org)

Voz feminina

Literatura con voz feminina: ¿unha escritura de rebelión no panorama do século XXI? é o título da conferencia que esta tarde ofrecerán as escritoras Fina Casalderrey, An Alfaya e Rosa Aneiros no Macuf da Coruña. Esta charla enmárcase no ciclo literario Maestr@s do papel, co que se pretende achegar o pensamento dos autores galegos e españois actuais aos seus lectores. 20.00 horas. Entrada libre.

The Divine Comedy - The Booklovers

"The booklovers", tema pertencente ao álbum Promenade (The Divine Comedy, 1994), iníciase coa voz de Audrey Hepburn pronunciando unhas frases da película Funny Face para seguidamente pasar á biblioteca privada de Neil Hannon. Un só nome hispanoamericano na lista: o novelista Gabriel García Márquez, que cara ao final da canción aparece supostamente dicindo "Mi casa, mi casa" ("Cien años de soledad" ía a titularse en principio La casa).

Algunos blogs de literatura y poesía

Apuntes de Literatura La isla de las buenas noticias Biblioteca virtual Pintar con palabras El juego de hacer versos Bibloranca Cine de libro La voz de Loranca Cuéntame un cuento